Fegurðasamkeppnir, saumaklúbbar, sjálfsrækt og femínismi

Snillingurinn Andrea Róberts var hjá okkur í gær ... sem hefur nýlega lokið MA námi í mannauðsstjórnun ... sem á von á barni í haust ... sem er að rækt kál og kryddjurtir í Kjósinni ... sem hefur gengið léttklædd á sviði til að láta dæma fegurð sína .... sem hefur snúið við blaðinu og berst nú fyrir bættri stöðu kvenna - bæði á vegum Femínistafélgas Íslands og UNIFEM.

Sjá hér: www.inntv.is

Jóna Ingibjörg, Húgó og Svava Johansen ...

... eru gestir okkar í þessari viku.

Jóna Ingibjörg var í þættinum á mánudaginn - ásamt Ásdísi, Ellý og Kötu Júl. Þær áttu upplýsandi og skemmtilegt spjalli um kynverund mannsins og lífið sjálft -  sjá frétt á visi.is: http://www.visir.is/article/20080520/LIFID01/864659548

Húgó Þórisson sálfræðingur og húmoristi og sérfræðingur í samskiptum foreldra og barna og bjargvættur margra fjölskyldna - kemur sem gestur á miðvikudaginn - og verður í settinu ásamt Ásdísi, Ellý og Elísabetu Jökuls.

Og á föstudaginn kemur glæsikonan og tískufrömuðurinn Svava Johansen í settið - en hún komst á lista yfir verst klæddu konur landsins á dögunum - ásamt Siggu okkar Klingenberg. 

Sjá hér: www.inntv.is 

Sáttaljóðið hennar Siggu Klingenberg

Kolfinnu er það gefið

að hafa munn fyrir neðan nefið.

Ásdís hefur bjartan blæinn,

hún mannrækt stundar allan daginn.

Þær eru svona mínus-plús

í þeim býr maður, en líka mús.

En þið eruð engir erkifjendur,

standið upp og takist í hendur.

---- 

Hér eru komnar friðarendur.

Kolfinna í fríi

Kolfinna er fjarri góðu gamni þessa dagana - eða væri nær að segja nærri góðu gamni - á kvikmyndahátíðinni í Cannes. Kemur aftur á föstudaginn 23.

Kynlíf til umræðu í mánudagsþættinum

Jóna Ingibjörg Jónsdótti kynfræðingur verður gestur þáttarins en hún verið helsti brautryðjandinn hér á landi í umræðunni um kynlíf.  Ellý Ármanns og Katrín Júlíusdóttir verða í settinu ásamt Ásdísi.

Beggi og Pacas gera lukku ... sjá visi.is

Beggi og Pacas mættu í sófanum hjá Mér finnst stelpunum á fösudaqinn og sögðu margar skemmtilegar sögur.  Pacas sagði frá 14 ára brúði sinni - og öðrum einkennilegum siðum sem hann undirgekkst þegar hann tilheyrði Hare Krisna sértrúarsöfnuði.  Sjá nánar á inntv.is og frétt hér: http://www.visir.is/article/20080517/LIFID01/912631225

Mér finnst ... í loftið í kvöld.

Ásdís og Kolfinna eru aftur mættar til starfa og í kvöld - föstudaginn 9. maí - fá þær sálfræðing til liðs við sig til að skoða það sem á undan er gengið.  Auk Kolbrúnar Baldursdóttur sálfræðings verða fastakonurnar verða Ellý Ármanns og Katrín Júlíusdóttir í þættinum í kvöld.

Mér finnst ... frí

Ekki verða teknir upp nýjir þættir af Mér finnst ... þessa vikuna.

Átök og drama hjá Ásdísi og Kolfinnu

Mikil átök hafa verið áberandi hjá Ásdísi og Kolfinnu undanfarið og má segja að allt hafi soðið uppúr á miðvikudaginn þegar Gunnlaugur stjörnuspekingur var gestur þáttarins og hótaði Ásdís að ljúka samstarfinu á staðnum. 

Tókust þær stallsystur á um orðið og gátu ekki heldur komið sér saman um umræðuefni. Eins og svo oft áður vildi Kolfinna dvelja við pólitíkina og býsnast yfir ástandinu í þjóðfélaginu á meðan Ásdís vildi beina athyglinni að mannlega þættinum og vera á persónulegum nótum.

Það vakti athygli að meðstjórnendurnir Elísbet og Erla fóru að kasta á milli sína ávöxtum í mótmælaskyni enda komust þær ekki að í þættinum.  

Sjá hér:  www.inntv.is

Mér finnst ... á inntv.is

Raunveruleikasjónvarp á ÍNN ... þar sem konur eru við völd og ekkert er heilagt ... fyrsti póstmódern sjónvarpsþátturinn á Íslandi ... með fólki úr ólíkum áttum ... þar sem umræðan er persónuleg og þáttakendur miðla allskonar sannleika ... og enginn þykist vera hlutlaus.  Umsjón er í höndum Ásdísar Olsen og Kolfinnu Baldvinsdóttur.  Fastagestir þáttarins eru Björk Jakobs, Elísabet Jökuls, Ellý Ármanns, Kolbrún Bergþórs, Guðrún Bergmann og Katrín Júlíusdóttir og Guðfríður Lilja - en auk þess kermur leynigestur í hvern þátt.  Á mánudögum, miðvikudögum og föstudögum á Digital Ísland á rás 20 og á netinu á inntv.is og visir.is